პრეზიდენტ ჯო ბაიდენის ადმინისტრაცია უფლებამოსილების ამოწურვამდე, 20 იანვრამდე, გამოაცხადებს რუსეთის საწინააღმდეგო ახალ მასშტაბურ სანქციებს, რომლებიც შეეხება რუსული ნავთობის გადამტან ტანკერებს და იმ პირებს, რომლებიც რუსულ ნავთობს ყიდიან დასავლეთის მიერ დადგენილ მაქსიმალურ ფასზე(ბარელი 60 დოლარი) უფრო ძვირად.

აშშ-ისგან მოსალოდნელი ახალი სანქციების შესახებ სააგენტო Reuters-ი წერს ინფორმირებულ წყაროებზე დაყრდნობით.

უკრაინაში ფართომასშტაბიანი შეჭრის გამო დასავლეთის მიერ ემბარგოს დაწესების შემდეგ რუსეთი სანქციებისთვის გვერდის ავლით თავისი ნავთობის ექსპორტისთვის იყენებს ე.წ. ჩრდილოვანი ფლოტის ძველ და ხშირად დაუზღვეველ ტანკერებს, რომლებიც სხვა ქვეყნების დროშებით დაცურავენ.

ამერიკის შეერთებულმა შტატებმა, დიდმა ბრიტანეთმა და ევროკავშირმა ათეულობით ასეთი გემის წინააღმდეგ სანქციები ადრეც დააწესეს.

2024 წლის დეკემბერში ევროკავშირმა ამ სიაში შეიტანა რუსეთის „ჩრდილოვანი ფლოტის“ კიდევ 52 გემი. აკრძალულია ევროკავშირის პორტებში მათი შესვლა და ევროპული კომპანიებისგან მომსახურების მიღება.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა