გორის მუნიციპალიტეტის გამგეობაში ქართლის ქარის ელექტროსადგურის პროექტის ფარგლებში მუნიციპალიტეტის წარმომადენებლეთან და ადგილობრივ მოსახლეობასთან გაცნობითი შეხვედრა გაიმართა.

შეხვედრის მიზანს წარმოადგენდა პროექტის შესახებ ინფორმაციის მიწოდება, არსებული შესაძლებლობების, მიმდინარე და დაგეგმილი ღონისძიებების გაცნობა.

შეხვედრა ორგანიზებული იყო სს „საქართველოს ენერგეტიკის განვითარების ფონდის“ და სს „საქართველოს ნავთობისა და გაზის კორპორაციის“ შვილობილი კომპანიის - შპს „ქართლის ქარის ელექტროსადგური“-ს თანამშრომლების მიერ.

შეხვედრის დროს განხილულ იქნა  შესაძლო სამუშაო ადგილების საკითხი, რაც კითხვა-პასუხის რეჟიმში მიმდინარეობდა.

მსგავსი შეხვედრები პერიოდულად გაიმართება, ვინაიდან პროექტს აფინანსებს ევროპის რეკონსტრუქციისა  და განვითარების ბანკი. აღნიშნული ბანკის რეგულაციების მიხედვით, აუცილებელია მუდმივ რეჟიმში ადგილობრივ მოსახლეობასთან ხშირი კონტაქტი, მათი ინფორმირება და ჩართულობა.

ქართლის ქარის ელექტროსადგური საქართველოსთვის პირველი  პროექტია. სადგურის დადგმული სიმძლავრე 20.7 მეგავატია, ხოლო გამომუშავებული ელ. ენერგია კი 88 მილიონ კილოვატ საათს შეადგენს. სამშენებლო ეტაპი დაიწყება მიმდინარე წლის მარტის თვეში, ხოლო დასრულდება მიმდინარე წლის დეკემბერში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას