პროტესტის მე-20 დღე დედაქალაქში - რუსთაველის გამზირი გადაიკეტა

2024-12-17 20:06:42, 452 ნახვა

პოლიტიკა

რუსთაველის გამზირზე ამ წუთებში საპროტესტო აქცია მიმდინარეობს.

დედაქალაქის მთავარ გამზირზე სხვადასხვა პროფესიისა თუ ასაკის ადამიანები არიან შეკრებილები. საავტომობილო გზა აქციის მონაწილეებმა უკვე გადაკეტეს.

რაც შეეხება საპოლიციო მობილიზებას, ისინი მცირე რაოდენობით არიან ჭიჭინაძისა და ჩიტაძის ქუჩებზე.

რუსთაველის გამზირზე საუნივერსიტეტო საზოგადოებისა და ისტორიკოსთა მარში მსვლელობით მოდის, ისინი სულ მალე მთავარ საკანონმდებლო ორგანოსთან იქნებიან.

შეგახსენებთ, დედაქალაქი და სხვა ქალაქები პროტესტმა მას შემდეგ მოიცვა, რაც საზოგადოებისთვის „ქართული ოცნების“ 28 ნოემბრის გადაწყვეტილება ცნობილი გახდა. რომლის თანახმადაც, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,