მინდა მივმართო შს მინისტრ გომელაურს, არიან თუ არა დაბარებული დაკითხვაზე ბიძინა ივანიშვილი და ირაკლი კობახიძე ჯგუფური ძალადობის ორგანიზებაზე საქართველოს მოქალაქეების წინააღმდეგ? - ამის შესახებ „ერთიანობა - ნაციონალური მოძრაობის“ ერთ-ერთმა ლიდერმა, გიორგი ვაშაძემ განაცხადა, რომელიც ჯგუფური ძალადობის, ორგანიზების და მასში მონაწილეობის ბრალდებით გამოკითხვაზეა დაბარებული.

როგორც ვაშაძე აღნიშნავს, გამოკითხვაზე შინაგან საქმეთა სამინისტრო არა მას, არამედ ბიძინა ივანიშვილსა და ირაკლი კობახიძეს უნდა იბარებდეს.

„ქვეყანაში არის ქაოსი, სახელმწიფო ინსტიტუტები ფაქტობრივად ჩამოშლილია. ამ ქაოსს აქვს სახელი - ბიძინა ივანიშვილი, რომელიც არ გვაძლევს ნორმალურად ცხოვრების შესაძლებლობას. სანამ ამ ადამიანს არ მოვიშორებთ, ჩვენ არ გვიწერია არც სიმშვიდე, არც ნორმალური ცხოვრება და არც  ევროკავშირში ინტეგრაცია. მუდმივად ამ ქაოსის მსხვერპლი ვიქნებით. მისი და ჩვენ ინტერესი განსხვავდება ერთმანეთისგან, მას უნდა ბევრი ფული აკეთოს და ძალაუფლება მიიტაცოს, ჩვენ გვინდა ნორმალურად და ადამიანურად ვიცხოვროთ ამ ქვეყანაში.

გუშინ მე მივიღე გაუგებარი ფურცელი შინაგან საქმეთა სამინისტროდან. მინდა მივმართო შს მინისტრ გომელაურს, სახელის და გვარის დაწერა შეგეშალათ, ჩემი სახელი და გვარი წერია და უნდა ეწეროს ბიძინა ივანიშვილი. ზეპირად რომ მითხარით ჯგუფური ძალადობის ორგანიზება, ამის ორგანიზატორი არიან ბიძინა ივანიშვილი და ირაკლი კობახიძე. მივმართავ ვახტანგ გომელაურს, დაკითხეთ თუ არა ბიძინა ივანიშვილი და კობახიძე? ისინი გასცემენ პოლიტიკურ დავალებებს, რომლის გამოც სპეცრაზმი თავ-პირს ამტვრევს ადამიანებს, აორგანიზებენ „ტიტუშკებს“, რომლებიც თავს ესხმიან ადამიანებს. არიან თუ არა დაბარებული დაკითხვაზე ბიძინა ივანიშვილი და ირაკლი კობახიძე ჯგუფური ძალადობის, ჟურნალისტების დავდასხმის, ადამიანების თავ-პირის მტვრევის ორგანიზებაზე საქართველოს მოქალაქეების წინააღმდეგ“,- განაცხადა ვაშაძემ.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს