ზუგდიდის მუნიციპალიტეტის გამგეობაში ჯანდაცვის კომისიის რიგით მეორე სხდომა გაიმართა.

გამგეობის ინფორმაციით, სხდომას მუნიციპალიტეტის გამგებლის მოადგილე გიზო სართანია უძღვებოდა. ჯანდაცვის კომისიის სხდომაზე სულ 214 ბენეფიციარის განაცხადი დაკმაყოფილდა.

გამგებლის მოადგილის გიზო სართანიას განმარტებით, განმცხადებლების უმრავლესობა ძვირადღირებული მედიკამენტების შეძენას, 86 მოქალაქე „C“ ჰეპატიტის ელიმინაციის პროგრამაში ჩართვას, 14 ტომოგრაფიას და ექვსი ოპერაციის თანადაფინანსებას ითხოვდა. თითოეული მომართვა კომისიის მიერ იქნა დაკმაყოფილებული.

ამასთანავე, წელს ჯანდაცვის პროგრამის ფარგლებში ორი აუტიზმით დაავადებული მოქალაქე ჩაერთო სპეციალურ სარეაბილიტაციო პროგრამაში. წლის განმავლობაში ყოველთვიურად მათ 15 ვიზიტი დაუფინანსდებათ.

მუნიციპალიტეტის ჯანდაცვის ბიუჯეტიდან ზემოაღნიშნული სამედიცინო მომსახურეობისთვის 62 586 ლარი გამოიყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას