საქართველოს პრეზიდენტი სალომე ზურაბიშვილი ევროკავშირთან დაკავშირებით „ქართული ოცნების“ გადაწყვეტილებას გამოეხმაურა.

პრეზიდენტმა ცოტა ხნის წინ ორბელიანების სასახლეში გამართულ საგანგებო ბრიფინგზე ელჩებს, პოლიციასა და ჯარს მიმართა, რომ „დროა, გადაწყვეტილება მიიღონ“.

„მინდა, ახლა მივმართო საზოგადოებას, საჯარო მოხელეებს - დრო არის, რომ თქვენი გადაწყვეტილება აიღოთ და მიიღოთ; დრო არის, რომ თქვენ იფიქროთ იმაზე, თუ რა მომავალს უტოვებთ თქვენს შვილებს; დრო არის, რომ იფიქროთ იმაზე, თუ რა რეპუტაციას უტოვებთ თქვენ შვილებს. რას იფიქრებენ ხვალ და ზეგ, როცა თქვენს შედეგში იცხოვრებენ. მე მესმის, რომ ძალიან რთულია ასეთ ქვეყანაში, პირობები არის, როგორიც არის - ვითომცდა, ეკონომიკურად მზარდ ქვეყანაში, სადაც ვიცით, თუ რა პირობებში ცხოვრობენ ადამიანები, მაგრამ ღირსება უფრო მნიშვნელოვანი არის, ქვეყანა, სამშობლო უფრო მნიშვნელოვანი არის.

მინდა, მივმართო ელჩებს - ერთხელ უკვე მოგმართეთ - დღეს რაღას აკეთებთ? ვის ემსახურებით? რას ემსახურებით? სად ხართ? ხომ წარმოგიდგენიათ, რა აბსურდში ცხოვრობთ? თქვენ არ გიჭირთ იქ ცხოვრება, თქვენ გაქვთ დანაზოგები, ყველაფრიც გაქვთ და იფიქრეთ თქვენც - რუსეთს გინდათ, ემსახუროთ? ხვალ აქ რუსეთი არის, თუ ჩვენ ყველამ ჩვენს ადგილზე არ ამოვიღეთ ხმა.

მინდა, მივმართო პოლიციას - ნამდვილ პოლიციას - იმ პოლიციას, რომელიც ემსახურება სახელმწიფოს - თქვენ სახელმწიფოს გარეშე, არაფერი არ ხართ და თქვენი მოვალეობა ამ სახელმწიფოში არის ის, რომ მოქალაქეები დაიცვათ და არა მონები, არა რუსები, არა უცხოელები და არა მოღალატეები. ასე რომ, თქვენც აიღეთ თქვენს ხელში, რაც არის თქვენი გადასაწყვეტი.

მე მინდა, მივმართო ქართულ ჯარს - იმ ჯარს, რომელსაც დღეს ყველაზე მეტად გული სტკივა; რომელსაც დღეს არანაირი მოქმედება არ შეუძლია და არც ევალება, მაგრამ ის არის ყველაზე ერთგული ამ ქვეყნის; ის არის, რომელსაც ყველაზე უფრო გული სტკივა, რომ ეს ქვეყანა უბრუნდება იმ რუსეთს, რომლიდანაც ჩვენ ძლივს გამოვედით, დავამტკიცეთ ჩვენი დამოუკიდებლობა...

მე მოგმართავთ ყველას, ვინც სახლში ხართ, ვინც გამოსული ხართ - არ დაკარგოთ იმედი... არშეგუება, არდანებება, წინააღმდეგობა - მე ამის ერთგული ვიქნები ბოლომდე, როგორც თქვენ იქნებით ერთგული ბოლომდე“,- განაცხადა სალომე ზურაბიშვილმა.

შეგახსენებთ, დღეს, 28 ნოემბერს პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომლის მიხედვითაც, მიღებულია გადაწყვეტილება, რომ ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.

ავტორი: ექსპრესნიუსი,

სოციალური ქსელები

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა