უკრაინის საგარეო საქმეთა მინისტრი ანდრეი სიბიგა საერთაშორისო თანამეგობრობას მოუწოდებს, რუსეთის მიერ უკრაინელი სამხედრო ტყვეების მიმართ სასტიკი მოპყრობის გამო, ზომები დაუყოვნებლივ მიიღოს.

როგორც სიბიგა სოციალურ ქსელ X-ზე წერს, "რუსეთის სასტიკი მოპყრობა უკრაინელი სამხედრო ტყვეების მიმართ აბსოლუტური ბარბაროსობა, საერთაშორისო ჰუმანიტარული სამართლის, ომის კანონებისა და ჩვეულებების უხეში დარღვევაა".

"სიკვდილით დასჯა სულ უფრო ხშირი ხდება. გაეროს მონაცემებით, სამხედრო ტყვეების 95% წამებას განიცდის, მათ უარს ეუბნებიან ფუნდამენტური საჭიროებების დაკმაყოფილებაზე და მათთან წვდომას ზღუდავენ. 

საერთაშორისო საზოგადოებამ უნდა მიიღოს დაუყოვნებლივი ზომები - გასცეს სისხლის სამართლის საერთაშორისო სასამართლოს დაკავების ორდერი ჯალათებისა და მწამებლების დასაკავებლად; მოითხოვოს საერთაშორისო დამკვირვებლებისა და მედიკოსების წვდომა მათი დაპატიმრების ადგილებში, ხელი შეუწყოს სამხედრო ტყვეებისა და უკანონოდ დაკავებული პირების გათავისუფლებას",- წერს სიბიგა.

შეგახსენებთ, უკრაინულმა მედიამ გაავრცელა ინფორმაცია, რომლის მიხედვითაც, კურსკის ოლქში რუსებმა 9 უკრაინელი სამხედრო ტყვე დახვრიტეს. 

ავტორი: ექსპრესნიუსი,

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი