ტერორისტულმა დაჯგუფება “ჰეზბოლამ“ ისრაელის ქალაქების მიმართულებით რაკეტები გაუშვა. ამის შესახებ ინფორმაციას ისრაელის მედია ავრცელებს.

მედიის ცნობით, ქალაქებს შორის, რომლებზეც “ჰეზბოლამ“ იერიში მიიტანა, კირიათ-შმონა, ჰაიფა, აფულა და ნაზარეთია.

მედიის ინფორმაციით, “ჰეზბოლას“ წევრებმა ქალაქ კირიათ-შმონას 50-მდე რაკეტა ესროლეს, რომელთა ნაწილი საჰაერო თავდაცვის სისტემამ გაანეიტრალა, ნაწილი კი ქალაქში ჩამოვარდა. ქალაქში სარაკეტო თავდასხმას მსხვერპლი არ გაუწვევია, თუმცა იერიშმა მატერიალური ზარალი გამოიწვია.

ისრაელის თავდაცვის ძალების ცნობით, ქალაქ ჰაიფას აღმოსავლეთით “ჰეზბოლამ“ 10 რაკეტა გაისროლა. ნამსხვრევების მოხვედრის შედეგად ერთი ადამიანი დაშავდა. საერთო ჯამში კი, “ჰეზბოლამ“ ისრაელის ჩრდილოეთ რაიონების მიმართულებით 100-ზე მეტი რაკეტა ისროლა.

ავტორი: ექსპრესნიუსი,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს