იტალიაში, ემილია-რომანიას რეგიონში წყალდიდობის გამო, დაახლოებით, 1 000 ადამიანის ევაკუაცია განხორციელდა. ამის შესახებ ინფორმაციას Reuters-ი ემილია-რომანიას პრეზიდენტის მოვალეობის შემსრულებელზე, ირინე პრიოლოზე დაყრდნობით ავრცელებს.

პრიოლოს განცხადებით, რეგიონში 48 საათზე მეტი ხნის განმავლობაში წვიმდა, რის გამოც, რამდენიმე პროვინციაში სკოლები დაიხურა და სარკინიგზო მიმოსვლა შეჩერდა.

ქალაქ ლუგოში, რავენას მახლობლად, ხელისუფლებამ ყველა ერთსართულიანი საცხოვრებელი სახლიდან ევაკუაციის შესახებ ბრძანება გასცა მას შემდეგ, რაც მდინარე სენიომ ნაპირები გადმოლახა.

"ჩვენ სრულ საგანგებო მდგომარეობაში ვართ... ღონისძიება ძალიან ჰგავს იმას, რაც გასულ მაისში გვქონდა",- განაცხადა რავენას მერმა, მიქელე დე პასკელმა.

წყალდიდობამ და ღვარცოფმა მარშისა და ტოსკანას რეგიონებიც დააზარალა.

ეროვნულმა სახანძრო დეპარტამენტმა განაცხადა, რომ ემილია-რომანიაში, მათ შორის ვერტმფრენების გამოყენებით, 500-ზე მეტი სამაშველო ოპერაცია განხორციელდა.

ავტორი: ექსპრესნიუსი,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს