2024-08-27 10:03:45, 405 ნახვა
მსოფლიო
ალასკაზე მეწყერი ჩამოწვა, დაღუპულია ერთი და დაშავებულებია 3 ადამიანი
ალასკაზე, ტურისტულ ქალაქ კეტჩიკანში მეწყერს ერთი ადამიანი ემსხვერპლა, დაშავებულია 3 პირი. ამის შესახებ ინფორმაციას Reuters-ი ავრცელებს.
მედიის ცნობით, ჩამოწოლილი მეწყრის შედეგად განადგურდა 5-მდე სახლი. დაახლოებით 40 საცხოვრებლიდან ევაკუაციის განკარგულებაა გაცემული.
"კეტჩიკანში ჩემი 65-წლიანი ცხოვრების განმავლობაში ასეთი მასშტაბის მეწყერი არასდროს მინახავს", - განაცხადა ქალაქის მერმა, დეივ კიფერმა.
ადგილობრივი ხელისუფლების ცნობით, არსებობს მეწყრის განმეორების საფრთხე, ამიტომ საგანგებო სამსახურები მზადყოფნაში არიან.
მეწყერი ალასკის ქალაქში ძლიერ წვიმას მოჰყვა.
ავტორი: ექსპრესნიუსი,
epn.ge (@expressnews.ge)
