„თიბისი ბანკის“ პროექტის, #წერექართულად ფარგლებში დაინტერესებული პირები კომპიუტერისა და ელექტრონული მოწყობილობებისთვის ფონტების შექმნას შეისწავლიან.

პროექტს ახალი ტექნოლოგიებისა და ინოვაციების ლაბორატორია, „ჯეოლაბი" და თიბისი ბანკი,  კომპანია Monotype Imaging-ის მხარდაჭერით ახორციელებენ და მისი მიზანია ქართველი დიზაინერების ფონტების გაციფრულებაში მომზადება.

ფონტების ინჟინერიის შემსწავლელი კურსები რვა ლექციისაგან შედგება.  2 თვის განმავლობაში, დაინტერესებული პირები  შრიფტის აგებისა და მისი ტექნიკური დამუშავების შესახებ თეორიულ და პრაქტიკულ ცოდნას მიიღებენ.  მასტერკლასებს მსოფლიოში წამყვანი კომპანიის Monotype-ის ფონტების ინჟინრები იან კარვატი, ფილიპ ბლეზეკი და ამავე კომპანიის ქართველი კონსულტანტ-დიზაინერი აკაკი რაზმაძე ჩაატარებენ.

 მასტერკლასების დასრულების შემდეგ, კურსის მონაწილეები  #წერექართულად  პროექტის ფარგლებში დაგეგმილ კონკურსში გამარჯვებული შრიფტებისათვის ფონტებს შექმნიან.  ასევე მათ მიერ გაკეთებული ფონტები კულტურული მემკვიდრეობის გაციფრულების პროექტში იქნება გამოყენებული.

ფონტების ინჟინერიის კურსებზე დარეგისტრირება  ნებისმიერ  დაინტერესებულ პირს შეეძლო,  400-მდე შემოსული აპლიკაციის შედეგად 25 საუკეთესო  აპლიკანტი შეირჩა. ისინი ფონტების ინჟინერიის შემსწავლელი კურსების ფარგლებში, ახალ უნარებს დაეუფლებიან.

Monotype Imaging  ერთ-ერთი წამყვანი კომპანიაა მსოფლიოში, რომლის სახელსაც უკავშირდება ისეთი ფონტები, რომლებსაც ყოველდღიურ ცხოვრებაში ვიყენებთ. მაგალითად, Helvetica, Times New Roman და სხვა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება

ნინო ლომჯარია TV იმედს სასამართლოში უჩივის

ზურაბიშვილი: ელენე ხოშტარიას, სასწრაფო სასიცოცხლოდ მნიშვნელოვანი სამედიცინო დახმარება სჭირდება

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!