2024-07-05 11:01:26, 451 ნახვა
მსოფლიო
ირანში საპრეზიდენტო არჩევნების მეორე ტური იმართება
ირანში საპრეზიდენტო არჩევნების მეორე ტური მიმდინარეობს.
საარჩევნო უბნები ადგილობრივი დროით 08:00 საათზე გაიხსნა და 18:00 საათზე დაიხურება.
როგორც Reuters-ი წერს, საბოლოო შედეგი ხვალ, შაბათს გახდება ცნობილი, თუმცა პირველადი მონაცემები, შესაძლოა, უფრო ადრე გამოცხადდეს.
შეგახსენებთ, ირანში საპრეზიდენტო არჩევნების მეორე ტური მას შემდეგ დაინიშნა, რაც პირველ ტურში, რომელიც 28 ივნისს გაიმართა, ვერცერთმა კანდიდატმა ხმების 50%-ზე მეტი ვერ მოიპოვა. 4 კანდიდატიდან მეორე ტურში 2 - მასუდ პეზეშკიანი და საიდ ჯალილი გადავიდნენ.
აღსანიშნავია, რომ ირანში ვადამდელი საპრეზიდენტო არჩევნები დღის წესრიგში მას შემდეგ დადგა, რაც პრეზიდენტი იბრაჰიმ რაისი ავიაკატასტროფას ემსხვერპლა.
ავტორი: ექსპრესნიუსი,
epn.ge (@expressnews.ge)
