დედაქალაქის მერმა, კახა კალაძემ მედიასთან საუბრისას საქართველოს პრემიერ-მინისტრ ირაკლი კობახიძის ბერლინში, უკრაინის აღდგენის კონფერენციაში მონაწილეობა შეაფასა და განაცხადა, რომ ამით საქართველომ მეგობარ უკრაინას მხარდაჭერა საერთაშორისო პლატფორმაზე  კიდევ ერთხელ გამოუცხადა.   

კახა კალაძის თქმით, უკრაინის თანადგომას საქართველო მომავალშიც გააგრძელებს. 

„გუშინწინ პრემიერი იმყოფებოდა გერმანიაში, ბერლინში, სადაც უკრაინის აღდგენასთან დაკავშირებით გაიმართა ფორუმი, სადაც სხვადასხვა ქვეყნის უმაღლესი თანამდებობის პირები იყვნენ წარმოდგენილი და საქართველომ, რა თქმა უნდა,  კიდევ ერთხელ გამოხატა მზადყოფნა თანადგომის, მხარდაჭერის. ჩვენ ყველა საერთაშორისო პლატფორმაზე უკრაინას ვუცხადებთ მხარდაჭერას. ბევრი ასეთი გადაწყვეტილებაა მიღებული, უკრაინის მოქალაქეები დღესაც ბევრი ბენეფიტით სარგებლობენ ჩვენს ქვეყანაში და ეს მხარდაჭერა და თანადგომა მეგობარი ქვეყნის მიმართ გაგრძელდება“, - განაცხადა თბილისის მერმა.  

ავტორი: NS (სტატია დაფინანსებულია),

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს