ნოდარ ხადური საერთაშორისო სარეიტინგო კომპანიის, Standard & Poor's -ის ანალიტიკოსებს შეხვდა

2016-02-15 14:14:41, 516 ნახვა

საზოგადოება

ფინანსთა მინისტრი ნოდარ ხადური საერთაშორისო სარეიტინგო კომპანიის, Standard & Poor's -ის ანალიტიკოსებს შეხვდა.

ფინანსთა სამინისტროს ინფორმაციით, შეხვედრაზე განიხილეს ეკონომიკაში მიმდინარე პროცესები და მაკროეკონომიკური პარამეტრები. მინისტრმა სტუმრებთან ისაუბრა თუ რა გავლენას ახდენს მთავარ სავაჭრო პარტნიორებში მიმდინარე პროცესები საქართველოს ეკონომიკაზე.

როგორც ნოდარ ხადურმა აღნიშნა, რეგიონში არსებული გამოწვევების მიუხედავად, ქვეყანამ შეძლო მაკროეკონომიკური სტაბილურობის და ეკონომიკური ზრდის შენარჩუნება.

ფინანსთა მინისტრმა ასევე ისაუბრა მთავრობის მიერ დაგეგმილ ღონისძიებებზე, რომელმაც ხელი უნდა შეუწყოს ბიზნესის განვითარებას, უცხოური და შიდა ინვესტიციების მოზიდვას ქვეყანაში, მათ შორის, საუბარი შეეხო საგადასახადო მიმართულებით დაგეგმილ რეფორმას, რომელიც ითვალისწინებს მოგების გადასახადის ეწ. ესტონური მოდელის დანერგვას.

ცნობისთვის, გასულ კვირას, ფინანსთა მინისტრი ასევე შეხვდა საერთაშორისო სარეიტინგო კომპანია Moody's-ის ანალიტიკოსებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან