საქართველოში გერმანიის ელჩი პეტერ ფიშერი, 2 ივნისს, სოციალურ ქსელში გერმანიის კანცლერის, ოლაფ შოლცის განცხადების გავრცელებასთან დაკავშირებით, დამატებით განმარტებას აკეთებს.

როგორც ფიშერი X-ზე წერს, ის ციტირებდა კანცლერს, კონტექსტის შემოწმება კი, ყველას შეეძლო.

"დაზუსტება: 1. ქვემოთ მე ციტირება მოვიყვანე გერმანიის კანცლერის და დავეყრდენი კანცლერის წყაროს. ყველას შეუძლია კონტექსტის შემოწმება. 2. გერმანიის საელჩომ უპასუხა კითხვებს: კანცლერის განცხადების საბაბი იყო გერმანია, თუმცა ის ზოგადადაც ვალიდურია. 3. ვიმედოვნებ, ეთანხმებით კანცლერის სიტყვებს",- წერს გერმანიის ელჩი.

ცნობისთვის, 2 ივნისს საქართველოში გერმანიის ელჩმა, პეტერ ფიშერმა სოციალურ ქსელში გერმანიის კანცლერის, ოლაფ შოლცის განცხადება გაავრცელა, თუმცა არ დაუკონკრეტებია, რომელ ქვეყანას ეხებოდა კანცლერის სიტყვები.

აღნიშნულის შემდეგ, ქართული მედიასაშუალებების ნაწილმა გაავრცელა ინფორმაცია, რომ შოლცის განცხადება საქართველოს ეხებოდა.

რაც შეეხება თავად კანცლერის განცხადებას, შოლცი გერმანიაში მომხდარ ძალადობის შემთხვევებს გმობდა და ამბობდა, რომ "იზრდება პოლიტიკურად მოტივირებული მტრობა და თავდასხმები, შეუწყნარებლები ვართ სიძულვილისა და ძალადობის მიმართ. ხალხის უმრავლესობა ღირსეულია და მათი ხმა უშეცდომოდ უნდა იქნას გაგებული".

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს