"იდეალის" საპარკინგე სივრციდან გარკვევით ჩანს, ბანდიტებს, რომლებიც თავს დაესხნენ ენმ-ის ცენტრალურ ოფისს, საპატრულო ეკიპაჟი აცილებს,- ამის შესახებ "ერთიანი ნაციონალური მოძრაობის" თავმჯდომარე ლევან ხაბეიშვილი სოციალურ ქსელში წერს და შესაბამის ვიდეოკადრებსაც აქვეყნებს.

ხაბეიშვილის განცხადებით, თავდამსხმელები "თავად მოაცილა და თავად გააცილა გომელაურის უწყებამ და გასაგებია, რომ არაფერს გამოიძიებენ".

"ენმ-ის ოფისზე თავდამსხმელები ათობით ავტომობილით ტოვებენ ტერიტორიას, თავდასხმიდან 2 წთ-ში, "იდეალის" საპარკინგე სივრციდან. ვიდეოში გარკვევით ჩანს საპატრულო პოლიციის ეკიპაჟი, რომელიც აცილებს "ბანდიტების" ავტომობილებს და მხოლოდ ამის შემდეგ იძვრება ენმ-ის ცენტრალური ოფისისკენ, საიდანაც მიიღეს შეტყობინება ბანდფორმირების თავდასხმის შესახებ. 

მე-4 დღეა და 100-მდე ადამიანიდან არცერთი არ დაუკავებიათ. თავად მოაცილა და თავად გააცილა გომელაურის უწყებამ და შესაბამისად გასაგებია, რომ არაფერს გამოიძიებენ“,- წერს ხაბეიშვილი.

შეგახსენებთ, "ერთიანი ნაციონალური მოძრაობის" ცენტრალურ ოფისზე თავდასხმა 31 მაისს, გვიან ღამით განხორციელდა.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს