ამერიკის შეერთებულ შტატებს მოლოდინი აქვს, რომ თუ „ჰამასი“ პრეზიდენტ ჯო ბაიდენის მიერ წარდგენილ ღაზაში ცეცხლის შეწყვეტის გეგმას დათანხმდება, ისრაელიც მიიღებს ამ წინადადებას,- ამის შესახებ თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.

კირბის განცხადებით, აშშ „ჰამასის“ პასუხს ელოდება.

„ჩვენ ველოდებით „ჰამასის“ ოფიციალურ პასუხს. აშშ იმედოვნებს, რომ ორივე მხარე გეგმის პირველი ეტაპის დაწყებას, „რაც შეიძლება მალე“ დათანხმდება.

ბრძოლის პირველი 6-კვირიანი პაუზის დროს, ორივე მხარე დაჯდება და ეცდება მოლაპარაკებას, როგორი შეიძლება იყოს მეორე ეტაპი და როდის შეიძლება დაიწყოს.

აშშ-ის დაზვერვა ახლა მიიჩნევს, რომ „ჰამასი“ დეგრადირებულია იმდენად, რომ აღარ შეუძლია ისეთი შეტევის გამეორება, როგორიც მისმა მებრძოლებმა 7 ოქტომბერს განახორციელეს.

ჩვენ არ გვითქვამს, რომ ისინი ჯერ კიდევ არ წარმოადგენენ საფრთხეს ისრაელელი ხალხისთვის. რა თქმა უნდა, ისინი წარმოადგენენ, მაგრამ მათ არ აქვთ სამხედრო შესაძლებლობები, რათა გაიმეორონ ის, რაც გააკეთეს“, - განაცხადა კირბიმ ABC News-თან ინტერვიუში.

შეგახსენებთ, აშშ-ის პრეზიდენტმა, ჯო ბაიდენმა ღაზაში ომის დასასრულებლად ისრაელსა და „ჰამასს“ 3-ეტაპიანი გეგმა წარუდგინა.

ავტორი: ექსპრესნიუსი,

სოციალური ქსელები

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე

„სოლიდუსი“ ოკუპირებული აფხაზეთის მომარაგებისთვის ბენზინს ეძებს