2024-05-27 14:55:40, 427 ნახვა
პოლიტიკა
კალაძე „ქართულ ქარტიაზე“ - დასტურია იმისა, რომ ოპოზიციური პარტიები ერთი ხელით იმართება
თბილისის მერი კახა კალაძე პრეზიდენტ სალომე ზურაბიშვილის „ქართული ქარტიის“ ირგვლივ ოპოზიციის გაერთიანებას „მიესალმება".
როგორც კალაძემ მედიასთან განაცხადა, „ეს არის დასტური იმისა, რომ აღნიშნული პოლიტიკური პარტიები სინამდვილეში ერთნი არიან".
„მივესალმებით, რომ ისინი ერთ პლატფორმაზე არიან წარმოდგენილნი. ეს ადასტურებს იმას, რასაც ამ ხნის განმავლობაში ვამბობდით, ეს პოლიტიკური პარტიები, რომლებიც „ნაციონალური მოძრაობის“ წიაღში აღმოცენდნენ შეიძლება, სხვადასხვა სახელებით გამოდიოდნენ, მაგრამ ერთი გუნდი არის, ერთი ხელით იმართება. ამ ყველაფრის დადასტურებაა ის გადაწყვეტილება, რაც პრეზიდენტის მხრიდან გაჟღერდა. ესენი არიან ფაშისტები ლიბერალიზმით შენიღბულები“,- განაცხადა კახა კალაძემ.
ავტორი: ექსპრესნიუსი,
epn.ge (@expressnews.ge)
