ეს არის აბსურდული და ყალბი გადაწყვეტილება, რომელიც ისრაელის სახელმწიფოს წინააღმდეგაა მიმართული, - ასე გამოეხმაურა ისრაელის პრემიერ-მინისტრი ბენიამინ ნეთანიაჰუ სისხლის სამართლის საერთაშორისო სასამართლოს (ICC) პროკურორის, კარიმ ხანის მიერ მისი, თავდაცვის მინისტრ იოავ გალანტისა და „ჰამასის“ ლიდერების დაკავების ორდერის გაცემის მოთხოვნას.

ნეთანიაჰუს განცხადებით, ისრაელის თავდაცვის ძალების ჯარისკაცები „ჰამასის მონსტრების" წინააღმდეგ იბრძვიან - „ჰამასმა" „მოკლა, დაწვა, გააუპატიურა", ისრაელელი სამხედროები კი, „თავისი მორალით უბადლოები არიან".

„ეს არის აბსურდული და ყალბი გადაწყვეტილება, რომელიც მიმართულია ისრაელის სახელმწიფოს წინააღმდეგ. ეს არის მიმართული ისრაელის თავდაცვის ძალების წინააღმდეგ, რომლებიც გმირობით იბრძვიან „ჰამასის“ ამაზრზენი მკვლელების წინააღმდეგ. როგორ ბედავთ ისრაელის თავდაცვის ძალების ჯარისკაცების შედარებას „ჰამასის“ მონსტრებთან? როგორ ადარებთ „ჰამასს“, რომელმაც მოკლა, დაწვა, დახოცა, გააუპატიურა და გაიტაცა ჩვენი ძმები და დები, ისრაელის თავდაცვის ძალების ჯარისკაცებს, რომლებიც ებრძვიან სამართლიან ომს, რომლებიც უბადლოები არიან თავისი მორალით?“ - განაცხადა ნეთანიაჰუმ.

პრემიერ-მინისტრი ისრაელის მოსახლეობას ჰპირდება, რომ ICC-ის მხრიდან „ხელების შეკვრის მცდელობა წარუმატებლად დარულდება“.

მისი თქმით, ისრაელი დაამარცხებს „ჰამასს“ და მიაღწევს „სრულ გამარჯვებას“.

შეგახსენებთ, გუშინ, 20 მაისს სისხლის სამართლის საერთაშორისო სასამართლოს პროკურორმა, კარიმ ხანმა ისრაელის პრემიერ-მინისტრ ბენიამინ ნეთანიაჰუს, თავდაცვის მინისტრ იოავ გალანტისა და „ჰამასის“ ლიდერების დაკავების ორდერის გაცემა მოითხოვა.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე