ირანულმა მედიამ, ირან-აზერბაიჯანის საზღვართან ახლოს, აღმოსავლეთ აზერბაიჯანის მთიან პროვინციაში ვერტმფრენის ჩამოვარდნის შედეგად, ირანის პრეზიდენტის, იბრაჰიმ რაისისა და საგარეო საქმეთა მინისტრის, ჰოსეინ ამირ-აბდოლაჰიანის დაღუპვა დაადასტურა. ამის შესახებ ინფორმაციას CNN ავრცელებს.

როგორც CNN ირანის სახელმწიფო მედიაზე Press TV და საინფორმაციო სააგენტოებზე -Tasnim და Mehr დაყრდნობით იტყობინება, ბორტზე მყოფი ყველა მგზავრი დაიღუპა.

მანამდე, ირანის ოფიციალური პირები აცხადებდნენ, რომ ვერტმფრენს, რომელშიც 9 ადამიანი იმყოფებოდა, ძლიერ ნისლში პრობლემები შეექმნა ირან-აზერბაიჯანის საზღვარზე მოგზაურობიდან დაბრუნებისას.

შემთხვევას მოჰყვა მრავალსაათიანი სამძებრო-სამაშველო ოპერაცია ევროკავშირისა და თურქეთის დახმარებით, თუმცა ღონისძიებას უამინდობა აფერხებდა. 

შეგახსენებთ, ირანის პრეზიდენტის, იბრაჰიმ რაისის ვერტმფრენი გუშინ, 19 მაისს ჩამოვარდა. რაისი ირან-აზერბაიჯანის სასაზღვრო ზონიდან ბრუნდებოდა და ჩრდილო-დასავლეთით მდებარე ქალაქ თავრიზისკენ მიემართებოდა. მანამდე, ირანისა და აზერბაიჯანის პრეზიდენტებმა კაშხლის გახსნის ცერემონიაში მიიღეს მონაწილეობა.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე