2024-04-09 16:54:15, 590 ნახვა
ომი უკრაინაში
უკრაინა გერმანიისგან დამატებით 20 საბრძოლო მანქანას მიიღებს
უკრაინა გერმანიისგან დამატებით 20 საბრძოლო მანქანა Marder-ს მიიღებს. ამის შესახებ ინფორმაციას უკრაინული მედია სამხედრო ტექნიკის ერთ-ერთი უმსხვილესი კომპანიის, Rheinmetall-ის პრესსამსახურზე დაყრდნობით ავრცელებს.
როგორც კომპანიაში აღნიშნავენ, მათ შეკვეთა გერმანიის მთავრობისგან 2024 წლის მარტში მიიღეს.
"ამ ახალი პარტიის მიწოდება დაგეგმილია 2024 წელს. დღემდე, Rheinmetall-მა უკრაინის შეიარაღებულ ძალებს Marder-ის ქვეითი საბრძოლო მანქანების სამნიშნა რიცხვი უკვე მიაწოდა", - აცხადებენ Rheinmetall-ში.
ავტორი: ექსპრესნიუსი,
epn.ge (@expressnews.ge)
