2024-03-26 13:17:14, 1076 ნახვა

---

Galt & Taggart-მა ეროვნული ბანკის მიერ ორგანიზებულ კონფერენციაზე გლობალური სასაქონლო ბაზრების მიმოხილვა წარადგინა

საქართველოს ეროვნული ბანკის მიერ ორგანიზებულ კონფერენციაზე - „გლობალური ეკონომიკური ტენდენციები და მათი გავლენა რეგიონზე“, Galt & Taggart-ის სექტორული კვლევების უფროსმა, კახა სამყურაშვილმა გლობალური სასაქონლო ბაზრების მიმოხილვა წარადგინა.

ღონისძიების ერთ-ერთი მთავარი საკითხი გლობალურად გამკაცრებული მონეტარული პოლიტიკა, რეგიონში არსებული გეოპოლიტიკური ვითარება და ამ პროცესებზე ცენტრალური ბანკების რეაგირება  იყო.

ღონისძიებაზე სხვადასხვა საკითხებზე მომხსენებლები იყვნენ საქართველოს ეროვნული ბანკის საერთაშორისო კონსულტანტი დევიდ ვავრა და საფინანსო სექტორის წარმომადგენლები.

„მოხარული ვართ, რომ მონაწილეობა მივიღეთ საქართველოს ეროვნული ბანკის მიერ ორგანიზებულ კონფერენციაში, სადაც შესაძლებლობა გვქონდა, ეკონომისტების, ფინანსისტების, საერთაშორისო ორგანიზაციების თუ არასამთავრობო სექტორის წარმომადგენლებისთვის გლობალური სასაქონლო ბაზრების შესახებ ჩვენი მიგნებები გაგვეზიარებინა.

აღსანიშნავია, რომ წარმოუდგენელია, ნედლეულის ბაზარი მიმოვიხილოთ იმ კონტექსტის გათვალისწინების გარეშე, რასაც გლობალური, პოლიტიკური, სამხედრო და ეკონომიკური პროცესები ქმნის. შესაბამისად, ჩვენ კონფერენციაზე მიმოვიხილეთ როგორც წითელი ზღვის კრიზისის, ასევე ისრაელ-ჰამასის ომის ეფექტები ნავთობის გლობალურ ფასებზე და შესაბამისად, რეგიონზე“, - განაცხადა კახა სამყურაშვილმა.

---

ავტორი: R (რეკლამა),

---

დღის თემა

მთავარი თემა

ინტერვიუ - ექსკლუზივი