უკრაინის პრეზიდენტმა, ვოლოდიმირ ზელენსკიმ უარყო რუსეთის პრეზიდენტის, ვლადიმერ პუტინის ბრალდებები, მოსკოვის რეგიონში მომხდარ ტერაქტში უკრაინის მონაწილეობაზე. ამის შესახებ ინფორმაციას უკრაინული მედია ავრცელებს.

მედიის ცნობით, ზელენსკი ამბობს, რომ „პუტინსთვის ყველა ტერორისტია, საკუთარი თავის გარდა“.

„დღეს პუტინი ისევ საკუთარ თავს ესაუბრა ტელევიზიით. ისევ უკრაინას ადანაშაულებს. ავადმყოფი და ცინიკური არსებაა. სწორედ ის არის ტერორის ყველაზე დიდი ფანჯარა. ის და მისი დაზვერვის სამსახური. როცა ის წავა, ტერორისა და ძალადობის მოთხოვნა მასთან ერთად გაქრება, რადგან ეს მისი მოთხოვნაა, სხვა არავისი“, - განაცხადა ზელენსკიმ.

პრეზიდენტმა ასევე მადლობა გადაუხადა ყველას, ვინც მუშაობს რუსული დარტყმების შედეგების აღმოსაფხვრელად. მან ასევე აღნიშნა, რომ "ახლა ძალიან მნიშვნელოვანია, ყურადღების მიქცევა მათთვის, ვისაც მხარდაჭერა სჭირდება. იმ შემთხვევაშიც კი, თუ ამ ადამიანებს დახმარების თხოვნა ეუხერხულებათ, მათ უნდა მიაქციონ ყურადღება, მხარი დაუჭირონ და არ დატოვონ სირთულეებთან".

შეგახსენებთ, რუსეთში, Crocus City Hall-ზე თავდასხმა 22 მარტს მოხდა. საკონცერტო დარბაზში რამდენიმე შეიარაღებულმა პირმა ცეცხლი ჯგუფ "პიკნიკის" კონცერტის დაწყებამდე გახსნა. ბოლო მონაცემებით, დაღუპულია 137 ადამიანი, დაშავებულია 182 პირი. ამ დრომდე სამედიცინო დაწესებულებებში 97 მოქალაქე რჩება.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს