ამერიკის შეერთებული შტატების სენატმა უკრაინის მხარდაჭერის შესახებ კანონპროექტი შეათანხმა. აღნიშნულის შესახებ ინფორმაციას France24-ი ავრცელებს.

France24-ის ცნობით, ეროვნული უსაფრთხოების შესახებ ახალი კანონპროექტი უკრაინისა და ისრაელის დასახმარებლად, ასევე აშშ-ის სამხრეთ საზღვრის გასაძლიერებლად 118.3 მილიარდი დოლარის გამოყოფას გულისხმობს, საიდანაც 60 მილიარდი დოლარი უკრაინის მხარდასაჭერად, 14 მილიარდი ისრაელისთვის, 20 მილიარდი დოლარი კი, აშშ-ის საზღვრის უსაფრთხოებისთვის გამოიყოფა.

ამასთან, გამოცემა წერს, რომ სენატში კანონპროექტის კენჭისყრა 7 თებერვალს იგეგმება.

დოკუმენტი ქვედა პალატის სპიკერმა, მაიკ ჯონსონმა გააკრიტიკა.

ჯონსონის თქმით, კანონპროექტი საზღვარზე არსებულ კატასტროფას ვერ მოაგვარებს და მას წარმომადგენელთა პალატაში წარუმატებლობა ელის.

„ეს კანონი კიდევ უფრო ცუდია, ვიდრე მოლოდინი არსებობდა და ვერც კი აახლოებს საზღვარზე არსებული კატასტროფის დასასრულს, რომელიც პრეზიდენტმა შექმნა“, - განაცხადა მაიკ ჯონსონმა.

ავტორი: ექსპრესნიუსი,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები