ესტონეთი უბრძანებს რუსეთის მართლმადიდებლური ეკლესიის მიტროპოლიტს ევგენის (ერისკაცობაში ვალერი რეშეტნიკოვს) 6 თებერვლამდე დატოვოს ქვეყანა. ხელისუფლებამ გადაწყვიტა არ გაეგრძელებინა მისი ბინადრობის ნებართვა:

შინაგან საქმეთა მინისტრი თვლის, რომ ტალინისა და სრულიად ესტონეთის მიტროპოლიტის საქმიანობა „საფრთხეს უქმნის ეროვნულ უსაფრთხოებას“.

შინაგან საქმეთა სამინისტროსა და ესტონეთის შინაგან უსაფრთხოების სამსახურის (ISS) წარმომადგენლებმა განაცხადეს, რომ ისინი არაერთხელ შეხვდნენ რეშეტნიკოვს და განუმარტეს, რომ მან უნდა შეწყვიტოს კრემლის რეჟიმისა და რუსეთის სამხედრო ქმედებების გამართლება თავის საჯარო განცხადებებში. მაგრამ გაფრთხილების მიუხედავად, მან „არ შეცვალა თავისი ქცევა“, რომელიც აღიარებულ იქნა, როგორც „ესტონეთის ღირებულებებთან და იურიდიულ გარემოსთან შეუთავსებელი“.

"საშიშროება, რაზეც ჩვენ ვსაუბრობთ, არაფერ შუაშია ეკლესიასთან, ეს ეხება კონკრეტულ პიროვნებას. ეს არ ეხება მთლიანად რელიგიურ მოძრაობას ან მორწმუნეებს, ჩვენ აქ პრობლემას ვერ ვხედავთ" - განაცხადა ინდრეკ არუმ ესტონეთის სასაზღვრო დაცვის უფროსმა.

თავად მიტროპოლიტი უარყოფს, რომ ის საფრთხეს უქმნის ესტონეთს.

"მე ყოველგვარი ომის წინააღმდეგი ვარ. ამიტომ, ყველაფერი ითქვა, ყველაფერი ნათქვამია ამ შეტყობინებებში, ამიტომ აქ ახალს ვერაფერს დავამატებ."- აცხადებს ტალინისა და სრულიად ესტონეთის მიტროპოლიტი ევგენი.

რეშეტნიკოვს ჰქონდა მოკლევადიანი ბინადრობის ნებართვა ესტონეთში. უკანასკნელად გაგრძელდა ორი წლის წინ, უკრაინაში რუსეთის სრულმასშტაბიანი აგრესიის დაწყებამდე.

ავტორი: ექსპრესნიუსი,

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა