საერთაშორისო გემებზე „ჰუსიტების“ თავდასხმებმა საფრთხის ქვეშ დააყენა უდანაშაულო ადამიანების სიცოცხლე, - ამის შესახებ დიდი ბრიტანეთის პრემიერ-მინისტრმა, რიში სუნაკმა განაცხადა.

როგორც სუნაკი აღნიშნავს, 16 ნოემბრის შემდეგ „ჰუსიტებმა“ წითელ ზღვაში 25 უკანონო და მიუღებელი თავდასხმა განახორციელეს.

„ისინი ესროდნენ ჩვენს გემებსა და მეზღვაურებს. ეს იყო ყველაზე დიდი თავდასხმა სამეფო საზღვაო ფლოტზე ათწლეულების განმავლობაში და ამიტომ ჩვენ ვიმოქმედეთ. ჩვენ ეს გავაკეთეთ თავდაცვის მიზნით, გაერო-ს წესდების შესაბამისად და თავისუფლების დასაცავად, როგორც დიდი ბრიტანეთი ამას ყოველთვის აკეთებდა“, - განაცხადა სუნაკმა.

შეგახსენებთ, რომ დღეს, 13 იანვარს, ამერიკის შეერთებულმა შტატებმა „ჰუსიტების“ წინააღმდეგ დამატებითი საჰაერო იერიშები განახორციელა.

მანამდე, 12 იანვარს ამერიკის შეერთებულმა შტატებმა და დიდმა ბრიტანეთმა იემენში, „ჰუსიტების“ წინააღმდეგ საჰაერო დარტყმები განახორციელეს.

ამერიკის შეერთებული შტატების პრეზიდენტის, ჯო ბაიდენის განცხადებით ამერიკელმა სამხედროებმა იემენში დარტყმები მისი ბრძანებით მიიტანეს.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს