პოლონეთის პრეზიდენტი ქვეყნის საზოგადოებრივ მაუწყებლებთან დაკავშირებულ მოვლენებს ანარქიას უწოდებს

2023-12-21 16:40:22, 872 ნახვა

მსოფლიო

პოლონეთის პრეზიდენტი ანჯეი დუდა ქვეყნის საზოგადოებრივ მაუწყებლებთან დაკავშირებულ მოვლენებს გამოეხმაურა.

როგორც პოლონეთის პრეზიდენტი აღნიშნავს, ახალი პრემიერ-მინისტრის, დონალდ ტუსკის მთვარობამ კონსტიტუცია დაარღვია, რადგან "მოულოდნელი ქმედებებით საპარლამენტო პროცედურები გამოტოვეს".

„ეს უკანონოა, ანარქიაა“, - განაცხადა ანჯეი დუდამ.

ცნობისთვის, პოლონეთის კულტურის სამინისტრომ პოლონეთის საზოგადოებრივი ტელევიზიის, რადიოს და საინფორმაციო სააგენტოს PAP-ის ხელმძღვანელობის დათხოვნის შესახებ განაცხადა.

ამასთან, გაითიშა 24-საათიანი საინფორმაციო არხი TVP INFO, რომელსაც პოლონეთის ახალი პრემიერ-მინისტრის, დონალ ტუსკის პარტია „სამოქალაქო პლატფორმა“ ყოფილი მმართველი პარტიის მხარდამჭერ პროპაგანდაში ადანაშაულებდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,