2023-12-12 16:22:40, 699 ნახვა
მსოფლიო
დროებით ოკუპირებული აფხაზეთის ე.წ. საგარეო საქმეთა მინისტრი სირიაში ჩავიდა
დროებით ოკუპირებული აფხაზეთის ე.წ. საგარეო საქმეთა მინისტრი ინალ არძინბა სირიაში ჩავიდა. აღნიშნულის შესახებ ინფორმაციას ე.წ. საგარეო საქმეთა სამინისტროს მედიაცენტრი ავრცელებს.
ე.წ. საგარეო საქმეთა სამინისტროს მედიაცენტრის ცნობით, ე.წ. ვიზიტის ფარგლებში დაგეგმილია „საერთაშორისო და ორმხრივი - აფხაზურ-სირიული - დღის წესრიგის საკითხების“ განხილვა.
მათივე ინფორმაციით, არძინბა, სირიის თავდაცვის სამინისტროს ბრიგადის გენერლებთან ერთად, დამასკოში უცნობი ჯარისკაცის მემორიალს ეწვია და „სირიელი გმირების ხსოვნას პატივი მიაგო“, შემდეგ კი, სირიის სამხედრო მუზეუმი დაათვალიერა და სამახსოვრო წიგნში ჩანაწერი დატოვა.
ავტორი: ექსპრესნიუსი,
epn.ge (@expressnews.ge)
