გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი, ბელგიაში ვიზიტის ფარგლებში, ევროკომისიის სამეზობლო და გაფართოების საკითხებში მოლაპარაკებების გენერალური დირექტორატის (DGA1 NEAR) ხელმძღვანელ მეთიუ ბუსკეს და გარემოსდაცვით საკითხებში გენერალური დირექტორატის (DGA1 ENV) ხელმძღვანელ დევორ პეკანს შეხვდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, სოლომონ პავლიაშვილმა ნარჩენების მართვისა და ცირკულარული ეკონომიკის სფეროში გარემოს დაცვისა და სოფლის მეურნეობის სამინისტროს მიერ განხორციელებული რეფორმები შეაჯამა და მადლობა გადაუხადა ევროკავშირს მხარდაჭერისთვის. 

მინისტრის მოადგილესთან ერთად, დელეგაციის შემადგენლობაში შედიოდნენ გარემოს დაცვისა და სოფლის მეურნეობის სამინისტროსა და აჭარის ავტონომიური რესპუბლიკის სოფლის მეურნეობის სამინისტროს შესაბამისი უწყებების და მწარმოებლის გაფართოებული ვალდებულების ორგანიზაციების წარმომადგენლები.

„დელეგაციის შემადგენლობაში კერძო სექტორის მწარმოებლის გაფართოებული ვალდებულების ორგანიზაციების მონაწილეობა ნათლად აჩვენებს საქართველოს მთავრობის მზაობას, განახორციელოს მწვანე ტრანსფორმაცია და ხელი შეუწყოს ეკონომიკის ცირკულარული მოდელით განვითარებას“, - განაცხადა სოლომონ პავლიაშვილმა.

ევროკომისიის მაღალი რანგის წარმომადგენლებმა დადებითად შეაფასეს საქართველოს მიერ მიღწეული პროგრესი, ხაზი გაესვა ევროპასთან ინტეგრაციის პროცესში საქართველოს მიღწევებს.

„კანდიდატის სტატუსი ქვეყნისთვის არის დიდი პასუხისმგებლობა და, ამავდროულად, ქმნის ახალ შესაძლებლობებს. საქართველომ უნდა დაიწყოს მუშაობა ევროკავშირის წევრობისათვის, რაც მოითხოვს ეკონომიკური განვითარების მნიშვნელოვან ტრანსფორმაციას და ევროპული ბაზრის მოთხოვნებთან  და ევროკავშირის გარემოსდაცვით პოლიტიკასთან დაახლოებას“, - განაცხადა ევროკომისიის სამეზობლო და გაფართოების საკითხებში მოლაპარაკებების გენერალური დირექტორატის (DGA1 NEAR) ხელმძღვანელმა, მეთიუ ბუსკემ. 

სოლომონ პავლიაშვილი, დელეგაციის წევრებთან ერთად, მწარმოებლის გაფართოებული ვალდებულებების ორგანიზაციებში და ნარჩენების გადამმუშავებელ კომპანიებშიც იმყოფებოდა, სადაც ევროკავშირის ქვეყნებში ნარჩენების მართვის, მათ შორის, მწარმოებლის გაფართოებული ვალდებულების და ცირკულარული ეკონომიკის დანერგვის საკითხებზე შეხვედრები გაიმართა.

ავტორი: NS (სტატია დაფინანსებულია),

სოციალური ქსელები

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ