2023-12-04 16:09:15, 744 ნახვა
საზოგადოება
შოთა მიქატაძის ქუჩაზე საგზაო სამუშაოები დასრულდა
გლდანის რაიონის გამგეობამ საგზაო ინფრასტრუქტურის მოწესრიგების ფარგლებში, შოთა მიქატაძის ქუჩის კეთილმოწყობა განახორციელა. ამის შესახებ ინფორმაციას გლდანის რაიონის გამგეობა ავრცელებს.
გამგეობის ცნობით, აღნიშნულ მისამართზე "ჯორჯიან უოთერ ენდ ფაუერმა“ მიწისქვეშა კომუნიკაციები მოაწესრიგა, რის შემდეგაც გამგეობამ გზის საფარის რეაბილიტაცია განახორციელა.
მათივე ინფორმაციით, სამუშაოების შედეგად, 5 528 კვადრატულ მეტრამდე ფართობზე ასფალტის საფარი დაიგო, სამუშაოებისთვის კი, გამგეობის ბიუჯეტიდან, დაახლოებით, 361 981 ლარი დაიხარჯა.
ავტორი: NS (სტატია დაფინანსებულია),
epn.ge (@expressnews.ge)
