რამე ტრენინგი მოვიფიქროთ სხვა პარლამენტებთან ერთად და სიამოვნებით გაგიშვებდით ამ ტრენინგზე, რომ გაერკვეთ, საპარლამენტო მუშაობა როგორ მიდის, - ასე მიმართა პარლამენტის თავმჯდომარემ, შალვა პაპუაშვილმა „გირჩის" წევრს, იაგო ხვიჩიას პარლამენტის პლენარულ სხდომაზე.

პაპუაშვილის თქმით, ხვიჩიას ტრენინგი "არ აწყენდა".

„რა ვქნა? შესაძლოა, რამე ტრენინგი მოვიფიქროთ სხვა პარლამენტებთან ერთად და სიამოვნებით გაგიშვებდით ამ ტრენინგზე, რომ გაერკვეთ, საპარლამენტო მუშაობა როგორ მიდის, რა ჯგუფებში მიდის, რა არის კომიტეტის როლი, პლენარული სხდომის როლი, რა არის დისკუსია, რა არის ეპატაჟი. ვფიქრობ, რომ ამაზე თქვენ სიღრმისეული ტრენინგი არ გაწყენდათ თქვენ", - განაცხადა პაპუაშვილმა.

ცნობითვის, მანამდე  „გირჩის" წევრმა, იაგო ხვიჩიამ პარლამენტის თავმჯდომარეს, შალვა პაპუაშვილს მიმართა და განაცხადა, რომ მისი ხელმძღვანელობის პირობებში საპარლამენტო საქმიანობა სრულ ბუტაფორიად იქცა.

დავის მიზეზი კი სხდომაზე "პენიტენციური კოდექსისა" და მისი თანმდევი კანონპროექტების მეორე მოსმენით განხილვის წესი გახდა. კანონპროექტს არა მუხლობრივად, არამედ თავების მიხედვით განიხილავდნენ, რაც „გირჩის" წევრმა გააპროტესტა.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.