არასდროს არ გაიმეოროთ მეტი პატრიარქის გადადგომის შესახებ საუბარი. ეს არის, ერთი მხრივ, ძალიან უხერხული და მეორე მხრივ, ამ თემაზე ლაპარაკი არის პირდაპირ შეტევა პატრიარქზე, - ამის შესახებ ახალქალაქის, კუმურდოსა და კარის მიტროპოლიტმა, მეუფე ნიკოლოზ ფაჩუაშვილმა წმინდა სინოდის სხდომის დასრულების შემდეგ განაცხადა.

მეუფე ნიკოლოზის თქმით, სასიხარულოა, რომ ჯანმრთელობის მდგომარეობის მიუხედავად, პატრიარქმა სინოდის სხდომა დამოუკიდებლად ჩაატარა.

"არასდროს არ გაიმეოროთ მეტი პატრიარქის გადადგომის შესახებ საუბარი. ეს არის, ერთი მხრივ, ძალიან უხერხული და მეორე მხრივ, ამ თემაზე ლაპარაკი არის პირდაპირ შეტევა პატრიარქზე. ეს არის რეკომენდაცია პატრიარქის მიმართ საზოგადოების სახელით, ოღონდ ეს საზოგადოებას სულაც არ უნდა. ამიტომ გირჩევთ, რომ აღარასდროს აღარ გაიმეოროთ ეს. არასდროს არ მოხდება, რომ პატრიარქი გადადგება. ამასწინათ იყო სინოდის სხდომა, მაგრამ მანამდე კარგა ხანი არ იყო, ეს არის პატრიარქის ჯანმრთელობის მდგომარეობიდან გამომდინარე. ასევე გახსოვთ, რომ წინა სხდომამ დაიგვიანა და რამდენიმე საათით გვიან დაიწყო. მიუხედავად ამისა, ეს იყო ძალიან დიდი სიხარული, რომ პატრიარქმა დამოუკიდებლად, თვითონ ჩაატარა სინოდის სხდომა", - განაცხადა მეუფე ნიკოლოზმა.

შეგახსენებთ, სინოდის სხდომა წელს მეორედ ჩატარდა, პირველად წმინდა სინოდი მიმდინარე წლის 14 თებერვალს შეიკრიბა.

ავტორი: ექსპრესნიუსი,

სოციალური ქსელები

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა