ბოლივია ისრაელთან დიპლომატიურ კავშირებს წყვეტს. ამის შესახებ ბოლივიის საგარეო საქმეთა მინისტრის მოადგილემ, ფრედი მამანმა ჟურნალისტებს განუცხადა.

როგორც მამანი განმარტავს, ქვეყანამ გადაწყვეტილება ისრაელის მიერ ღაზაზე „აგრესიული და არაპროპორციული თავდასხმების" გამო მიიღო.

ისრაელს პროტესტს უცხადებენ ასევე კოლუმბია და ჩილე, რომელთა ლიდერებმაც ქვეყნიდან თავიანთი ელჩები გაიწვიეს.

X-ზე [ყოფილ Twitter-ზე] გამოქვეყნებულ განცხადებაში ჩილეს პრეზიდენტმა, გაბრიელ ბორიკ ფონტსმა ხაზგასმით აღნიშნა, რომ მისი ქვეყანა ისრაელის მიერ „საერთაშორისო ჰუმანიტარული სამართლის მიუღებელ დარღვევას მტკიცედ გმობს“.

X-ზე გამოაქვეყნა განცხადება კოლუმბიის პრეზიდენტმა, გუსტავო პეტრომაც.  

„თუ ისრაელი არ შეწყვეტს პალესტინელი ხალხის ხოცვა-ჟლეტას, ჩვენ იქ ვერ ვიქნებით“,- დაწერა პეტრომ სოციალურ ქსელში.

შეგახსენებთ, რომ 7 ოქტომბერს, ღაზას სექტორიდან ისრაელის სამხრეთით მოულოდნელი სარაკეტო და სახმელეთო იერიში წამოიწყეს. თავდასხმაზე პასუხისმგებლობა ისლამისტურმა დაჯგუფება "ჰამასმა" აიღო და ისრაელის წინააღმდეგ ოპერაციის "ალ-აკსას წარღვნა" დაწყების შესახებ განაცხადა. იერიშის საპასუხოდ ისრაელის თავდაცვის სამინისტრომ ოპერაცია, სახელწოდებით "რკინის ხმლები" დაიწყო.

8 ოქტომბერს, ისრაელის უსაფრთხოების კაბინეტმა საომარი მდგომარეობა ოფიციალურად გამოაცხადა. 9 ოქტომბერს, ქვეყნის თავდაცვის ძალებმა (IDF) გაავრცელეს ინფორმაცია, რომ ისრაელმა ღაზას საზღვართან მდებარე ყველა ქალაქზე კონტროლი დაიბრუნა. იმავე დღეს, ისრაელის თავდაცვის მინისტრმა, იოავ გალანტმა ღაზას სრული ბლოკირების ბრძანება გასცა. 11 ოქტომბერს, IDF-მ ღაზას გარშემო ბარიერი აღადგინა და აღნიშნულ ტერიტორიაზე დამატებით 300 000 რეზერვისტი გაგზავნა. თავდაცვის ძალების ცნობით, ღაზაში ამჟამად სახმელეთო ოპერაცია მიმდინარეობს და მისი ეტაპობრივად გაფართოება იგეგმება.

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს