მიხეილ სააკაშვილის უფლება რომ არის დაცული, მე მგონი, მსოფლიოში, ალბათ, რთულად მოიძებნება პატიმარი ნებისმიერ ქვეყანაში, რომლის უფლებებიც ასე ზედმიწევნით იყოს დაცული,- ამის შესახებ იუსტიციის მინისტრმა, რატი ბრეგაძემ განაცხადა.

როგორც ბრეგაძემ მედიის წარმომადგენლებთან საუბრისას აღნიშნა, განცხადებები ექსპრეზიდენტის უფლებების დარღვევასთან დაკავშირებით სუბიექტურ აღქმებს უკავშირდება.

"ბევრჯერ გამიგია, რომ ირღვეოდა მსჯავრდებულ სააკაშვილის უფლებები, ხდებოდა კანონდარღვევა, მაგრამ ეს არასდროს დასტურდება. ეს არის სუბიექტური აღქმები, სამართალი კი, ამ შემთხვევაში საუბრობს სხვა რამეზე და სააკაშვილის უფლება რომ არის დაცული, მე მგონი, მსოფლიოში, ალბათ, რთულად მოიძებნება პატიმარი ნებისმიერ ქვეყანაში, რომლის უფლებებიც ასე ზედმიწევნით იყოს დაცული",- ამბობს ბრეგაძე.

მინისტრის თქმით, სააკაშვილი "ნაციონალური მოძრაობის" არაფორმალური მმართველია.

"ამ ადამიანს საქართველოში პოლიტიკური საქმიანობის უფლება არ აქვს. თუკი, "ნაციონალურ მოძრაობაში" აცხადებენ, რომ უცხო სახელმწიფოს მოქალაქე არის მათი ლიდერი, მათი მთავარი წარმმართველი ძალა და ა.შ. ისინი თავად აღიარებენ ერთ რამეს, რაზეც ჩვენ ძალიან დიდი ხანია ვსაუბრობთ, რომ მიხეილ სააკაშვილი არის "ნაციონალური მოძრაობის" არაფორმალური მმართველი... სააკაშვილს ისევე, როგორც ამ ქვეყანაში მყოფ ნებისმიერ სხვა პირს, აქვს გამოხატვის თავისუფლება და სასამართლო პროცესზე რას იტყვის, მისი გადასაწყვეტია. თუ ის ვინმეს მოუწოდებს დანაშაულის ჩადენისკენ, რა თქმა უნდა, ეს იქნება კანონდარღვევა. დანარჩენი - რა პოლიტიკურ მოსაზრებებს გამოთქვამს, ამით კიდევ ერთხელ ჩნდება "ნაციონალური მოძრაობის" რეალური სახე, როგორც არაფორმალურად მართული პოლიტიკური ძალის",- აცხადებს ბრეგაძე.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”