საბურთალოს რაიონში, აქტიურად გრძელდება დასასვენებელი სივრცეების მოწყობა და რეაბილიტაცია - ამჯერად, ინფრასტრუქტურული სამუშაოები შ. ნუცუბიძის N46-ში, არსებულ სკვერში განხორციელდა. ამის შესახებ ინფორმაციას თბილისის მერია ავრცელებს.

მერიის ცნობით, აღნიშნულ ტერიტორიაზე, პირველ ეტაპზე, დაზიანებული ინვენტარის დემონტაჟი მოხდა. 

"სამუშაოების შედეგად, 2 000 კვ. მ ფართობზე განახლდა სკვერის სივრცე და დამონტაჟდა ყველა შესაბამისი საპარკო ინფრასტრუქტურა. მოეწყო სატრენაჟორო და საბავშვო-გასართობი ზონა, განათებისა და სარწყავი ქსელები. ჰიდროთესვის მეთოდით დაითესა ბალახი და დაირგო სხვადასხვა ჯიშის ხე-მცენარე.

გარდა ამისა, ამავე მისამართზე რეაბილიტირდა 800 კვ. მ  ფართობის სპორტული მოედანი. განახლდა ლითონის მავთულბადეები, დაიგო ბალახის ხელოვნური საფარი და დამონტაჟდა შესაბამისი ინვენტარი.

დასასვენებელი სივრცის მოწყობის სამუშაოები საბურთალოს რაიონის გამგეობის კონტრაქტორმა კომპანია „ლაგომ“ შეასრულა, რისთვისაც ადგილობრივი ბიუჯეტიდან  486 590  ლარი დაიხარჯა. სპორტული მოედნის რეაბილიტაციისათვის კი  - 99 551 ლარი გამოიყო და  პროექტი კომპანია „დოკასპორტმა“ შეასრულა.

დასრულებულ სამუშაოებს საბურთალოს რაიონის გამგებელი გიზო ვასაძე და საკრებულოს მაჟორიტარი დეპუტატი ავთანდილ ცინცაძე გაეცნენ",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა