2023-09-26 17:55:29, 767 ნახვა
საზოგადოება
მერია - სოფელ გლდანში, 26 მაისის ქუჩაზე საგზაო სამუშაოები მიმდინარეობს
გლდანის რაიონის გამგეობა, საგზაო ინფრასტრუქტურის მოწესრიგების ფარგლებში, სოფელ გლდანში, 26 მაისის ქუჩის კეთილმოწყობას ახორციელებს. აღნიშნულის შესახებ ინფორმაციას თბილისის მერია ავრცელებს.
მათი ცნობით, აღმაშენებლის ქუჩიდან 26 მაისის ქუჩის ბოლომდე გზის რეაბილიტაცია მიმდინარეობს.
„სამუშაოების შედეგად, 13 000 კვადრატულ მეტრამდე ფართობზე ასფალტის საფარი იგება. აღნიშნულისთვის გამგეობის ბიუჯეტიდან დაახლოებით, 1 000 000 ლარამდე დაიხარჯება.
მიმდინარე სამუშაო პროცესს გლდანის რაიონის გამგებლის მოვალეობის შემსრულებელი ბესიკ კალაძე, საკრებულოს მაჟორიტარ დეპუტატ კონსტანტინე ზარნაძესთან ერთად გაეცნო“,- აღნიშნულია ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
