2023-09-14 10:25:21, 826 ნახვა
პოლიტიკა
ოლივერ ვარჰეი - საქართველოს მთავრობამ 12-დან 3 პრიორიტეტი შეასრულა
საქართველოს მთავრობამ 12-დან 3 პრიორიტეტი შეასრულა,- აღნიშნულის შესახებ გაფართოებისა და სამეზობლო საკითხებში ევროკომისარმა, ოლივერ ვარჰეიმ განაცხადა.
ვარჰეის თქმით, ქართველ ხალხს ევროკავშირში გაწევრიანება და კანდიდატის სტატუსის მიღება სურს.
"საქართველოს მთავრობამ 12-დან 3 პრიორიტეტი შეასრულა. ახლა ყოველი წუთი მნიშვნელოვანია, რადგან ჩვენ ანგარიში ოქტომბერში უნდა წარვადგინოთ. რასაც ვხედავთ ისაა, რომ ქართველ ხალხს სურს ევროკავშირში გაწევრიანება და კანდიდატის სტატუსის მიღება.
ვფიქრობ, ნათელია, რა ვითარებაა საქართველოსთვის, რომ გახდეს კანდიდატი ქვეყანა. გასულ წელს, ევროპულმა საბჭომ საკმაოდ მკაფიო პირობები დაადგინა. ვიმედოვნებ, საქართველო შეასრულებს პირობებს და პოზიტიურ გადაწყვეტილებას მივიღებთ",- განაცხადა ვარჰეიმ.
ავტორი: ექსპრესნიუსი,
epn.ge (@expressnews.ge)
