რუსეთის ფედერაციაში, დაღესტნის რესპუბლიკის დედაქალაქ მაჰაჩყალაში, ბენზინგასამართ სადგურზე მომხდარი აფეთქების შედეგად დაღუპული 35 პირიდან მხოლოდ 13-ია იდენტიფიცირებული. აღნიშნულ ინფორმაციას რუსული სამთავრობო გამოცემა "რია ნოვოსტი" დაღესტნის ხელმძღვანელის პრესსამსახურზე დაყრდნობით ავრცელებს.

პრესსამსახურის ცნობით, იდენტიფიცირების პროცესი გრძელდება.

როგორც "რია ნოვოსტი" წერს, დაღესტნის საავადმყოფოებში მკურნალობას ამჟამად 47 ადამიანი გადის, 16 პირი კი, საგანგებო სიტუაციების სამსახურის თვითმფრინავით სამკურნალოდ მოსკოვში გადაიყვანეს.

ცნობისთვის, მაჰაჩყალაში ბეზნინგასამართ სადგურზე აფეთქება 14 აგვისტოს, სააღამოს საათებში მოხდა. წინასწარი ინფორმაციით, აფეთქებას წინ უძღოდა ავტოსერვისში ცეცხლის გაჩენა, საიდანაც ხანძარი ბენზინგასამართ სადგურზე გავრცელდა. მომხდართან დაკავშირებით დაწყებულია გამოძიება.

ავტორი: ექსპრესნიუსი,

სოციალური ქსელები

პოლიციამ თბილისში ჯგუფურად, ძალადობით ჩადენილი ძარცვის ბრალდებით 5 პირი დააკავა

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post