უკრაინასა და NATO-ს შორის ურთიერთობის ახალი ფორმატი, შესაძლოა, ვილნიუსის სამიტიდან დაიწყოს,- აღნიშნულის შესახებ უკრაინის თავდაცვის მინისტრმა, ალექსეი რეზნიკოვმა განაცხადა.

რეზნიკოვის თქმით, შეხვედრები ამ ფორმატში წინა წლებში უნგრეთის ვეტოს გამო არ ტარდებოდა.

„დღეს ძალიან ეპოქალური მოვლენა მოხდა. დღეს, 2016 წლის შემდეგ პირველად, შედგა უკრაინა-ნატო-ს კომისიის შეხვედრა თავდაცვის მინისტრების დონეზე, ყველა მათგანის მონაწილეობით“,- განაცხადა რეზნიკოვმა.

ამასთან, რეზნიკოვი იმედოვნებს, რომ ვილნიუსის სამიტის შემდეგ თავდაცვის მინისტრების დონეზე შეხვედრები უკვე „უკრაინა-ნატოს საბჭოს“ ფორმატში იქნება.

„უკრაინისა და NATO-ს თავდაცვის მინისტრების მორიგი შეხვედრა, იმედი მაქვს, ვილნიუსიდან, ან ვილნიუსის შემდეგ, უკრაინა-ნატოს საბჭოს ფორმატში გაიმართება. ეს მოხდება მაშინ, როდესაც უკრაინა ჯერ კიდევ არ იქნება NATO-ს წევრი, მაგრამ უკვე იქნება თანაბარი პირობებით ყველა კომიტეტში, ყველა წარმომადგენლობით შეხვედრაზე, კითხვების დასმის უფლებით, რომლებიც გაწერილია ხელშეკრულებებში“,- დასძინა რეზნიკოვმა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა