გასულ ღამეს რუსმა ოკუპანტებმა უკრაინის ქალაქ ოდესაზე სარაკეტო იერიში მიიტანეს. აღნიშნულის შესახებ ინფორმაციას უკრაინის სამხრეთის ოპერატიული სარდლობა ავრცელებს.

მათი ცნობით, რუსებმა ოდესისკენ „კალიბრის“ ტიპის 4 რაკეტა გაუშვეს, რომლებიც შავი ზღვიდან იყო გაშვებული. შემთხვევის შედეგადაც დაიღუპა 3 ადამიანი, ხოლო 13 დაშავდა.

„მტერმა ოდესისკენ კალიბრის ტიპის 4 რაკეტა შავ ზღვაში მდებარე გემიდან გაუშვა.

საჰაერო თავდასხმისა და აფეთქების ტალღის შედეგად დაზიანდა ქალაქის ცენტრში არსებული ბიზნესცენტრი, საგანმანათლებლო დაწესებულება, საცხოვრებელი კომპლექსი, კვების ობიექტები და მაღაზიები“,- აცხადებს სარდლობა.

უკრაინის სამხრეთის ოპერატიული სარდლობის ცნობითვე, ერთ-ერთი სავაჭრო ქსელის საწყობში რაკეტის დარტყმით ხანძარი გაჩნდა, დაიღუპა საწყობის 3 თანამშრომელი, 7 კი დაშავდა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა