ევროკავშირის საბჭომ სანქციები დაუწესა ცხრა რუსს, რომლებიც მონაწილეობდნენ სისხლისსამართლებრივ დევნაში და რუსი ოპოზიციონერის ვლადიმერ ყარა-მურზას უფლებების დარღვევაში.

შეზღუდვები მოიცავს რუსეთის იუსტიციის მინისტრის მოადგილეს ოლეგ სვირიდენკოს, გამომძიებლებს დენის კოლესნიკოვს და ანდრეი ზადაჩინს, ANO "დამოუკიდებელ ექსპერტს" დანილა მიხეევს.

სანქციების სიაში ასევე არიან ხამოვნიჩესკის რაიონული სასამართლოს მოსამართლე დიანა მიშჩენკო, ბასმანის სასამართლოს მოსამართლე ელენა ლენსკაია, მოსკოვის საქალაქო სასამართლოს მოსამართლეები ილია კოზლოვი და სერგეი პოდოპრიგოროვი და SIZO-5-ის ხელმძღვანელი დიმიტრი კომნოვი.

სიაში შეყვანილი პირების ქონება გაყინვას ექვემდებარება, მათ ასევე ეკრძალებათ ევროკავშირის ქვეყნებში შესვლა.

შეგახსენებთ, რომ 17 აპრილს,მოსკოვის საქალაქო სასამართლომ რუს ოპოზიციონერ აქტივისტს, პოლიტიკოსს და პუბლიცისტს ვლადიმერ კარა-მურზას 25 წლით თავისუფლების აღკვეთა მიუსაჯა. მას ბრალად რუსული არმიის დისკრედიტაცია, რუსეთში არასასურველ ორგანიზაციებთან თანამშრომლობა და სახელმწიფოს ღალატი დასდეს .​

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა