მას შემდეგ, რაც უკრაინა დაასანქცირებს კონკრეტულ პირებს, საერთაშორისო მეგობრებიც განიხილავენ ამ საკითხს,- ასე ეხმაურება უკრაინის რადას დეპუტატი ოლექსეი გონჩარენკო უკრაინის მიერ  ავიაკომპანია Georgian Airways-ის, თამაზ და დავით გაიაშვილებისა და ვალერი კვარაცხელიას შვილის კომპანიის დასასანქცირებელთა სიაში შეყვანას.

გონჩარენკოს თქმით, სანქცირებულთა სიები უკრაინის პარტნიორებს გადაეცემათ და ისინი მიიღებენ გადაწყვეტილებას, ვის და რა ტიპის სანქციები უნდა დაუწესონ.

"რა თქმა უნდა, ჩვენ გადავცემთ ჩვენს პარტნიორებს ინფორმაციას, რომ სანქციების საკითხში სინქრონიზებულად ვიმუშაოთ მას შემდეგ, რაც უკრაინა მიიღებს გადაწყვეტილებას კონკრეტული ფიზიკური, თუ იურიდიული პირის შესახებ, ჩვენი საერთაშორისო მეგობრები, რასაკვირველია, განიხილავენ ამ საკითხს და თავად მიიღებენ გადაწყვეტილებას, ვის და რა სახის სანქციები დაუწესონ. ჩვენ სწორედ ახლა ვცდილობთ პარტნიორებთან სიების სინქრონიზებას",- განაცხადა გონჩარენკომ "მთავარ არხთან" საუბრისას.

შეგახსენებთ, რომ გუშინ, 1-ელ ივნისს, უკრაინამ ქართული ავიაკომპანია Georgian Airways-ი და თამაზ და დავით გაიაშვილები დასასანქცირებელთა სიაში შეიყვანა.

გარდა ამისა, სიაში შეყვანილია ასევე  პრორუსი პოლიტიკოსის, ვალერი კვარაცხელიას შვილის, დავით კვარაცხელიას კომპანია.

ავტორი: ექსპრესნიუსი,

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი