2023-05-01 09:05:36, 1488 ნახვა
ომი უკრაინაში
რუსი ოკუპანტები უკრაინას რაკეტებით დაესხნენ თავს - არიან დაშავებულები
რუსმა ოკუპანტებმა უკრაინის ტერიტორიაზე სარაკეტო შეტევა განახორციელეს,- აღნიშნულის შესახებ ინფორმაციას უკრაინული მედია ავრცელებს.
მედიის ცნობით, უკრაინის რამდენიმე ოლქში საჰაერო თავდაცვაც ამოქმედდა.
მედიის ცნობითვე, დედაქალაქ კიევის სამხედრო ადმინისტრაციამ გაავრცელა ინფორმაცია, რომ საჰაერო თავდაცვა მუშაობს და მოქალაქეებს განგაშის დასრულებამდე თავშესაფრებში ყოფნისკენ მოუწოდა.
ამასთან, ოდესის საოლქო-სამხედრო ადმინისტრაციის წარმომადგენლის, სერგეი ბრაჩუკის განცხადებით, სარაკეტო შეტევა დნეპროპეტროვსკის, კიროვოგრადის, დონეცკის, კიევის, სუმის, პოლტავას, ზაპოროჟიესა და ჩერკასის ოლქების მიმართულებით განხორციელდა.
ბრაჩუკის განცხადებით, დნეპროპეტროვსკზე თავდასხმის შედეგად 25 ადამიანი დაშავდა, მათ შორის 3 ბავშვი.
ავტორი: ექსპრესნიუსი,
epn.ge (@expressnews.ge)
