სამხრეთ კორეის ავტომწარმოებელი Hyundai Motor Co გეგმავს რუსეთის ბაზრიდან გასვლას და მისი საწარმოო ქარხნების გაყიდვას. ამის შესახებ საერთაშორისო სააგენტო Reuters იტყობინება.

ყაზახური კომპანიის ქარხნების გაყიდვაზე მოლაპარაკებები დასკვნით ეტაპზეა, Hyundai ელოდება საბოლოო პასუხს რუსეთის ფედერაციის მთავრობისგან.

როგორც ჟურნალისტები იხსენებენ, სრულმასშტაბიან ომამდე ჰიუნდაი რუსეთში ყველაზე პოპულარული ავტომობილების ბრენდების სამეულში იყო.

გასულ წელს Hyundai Motor-მა შეაჩერა მუშაობა რუსეთის წარმომადგენლობაში. მარტში ავტომწარმოებელმა განაცხადა, რომ განიხილავს "სხვადასხვა ვარიანტებს" მისი ოპერაციებისთვის რუსეთში.

Reuters-ის კომენტარში Hyundai Motor-მა განაცხადა, რომ განიხილავს სხვადასხვა სცენარს რუსეთში მისი ბიზნესის მომავლისთვის და დასძინა, რომ გადაწყვეტილება ჯერ მიღებული არ არის.

Hyundai Motor, თავის შვილობილი Kia Corp-თან ერთად, არის გაყიდვების მოცულობით გლობალური ავტომწარმოებლების ათეულში და აწარმოებს დაახლოებით 200,000 მანქანას რუსეთში წელიწადში, რაც გლობალური წარმოების სიმძლავრის დაახლოებით 4%-ს შეადგენს.

ავტორი: ექსპრესნიუსი,

სოციალური ქსელები

პოლონეთმა ისტორიაში ყველაზე მასშტაბური სამხედრო აღლუმი გამართა

სამარაში უკრაინელებმა დააზიანეს ცენტრი რომელიც „სოიუზის“ რაკეტების მიკროელექტრონული კომპონენტებს აწყობს

რუსეთში ბენზინის დეფიციტი საწვავის კრიზისის პიკს უბრუნდება

პირადი ცხოვრების ამსახველი ფოტოები უკანონოდ მოიპოვა და გაავრცელა- კახეთში 1 პირი დააკავეს