ყირიმიდან ტერორისტული სახელმწიფოს ყველაზე შორსმჭვრეტელი ვირთხების მიგრაცია უკვე დაიწყო, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. 

როგორც სახელმწიფოს მეთაურმა ტრადიციულ ვიდეომიმართვაში აღნიშნა, ქვეყნის ჩრდილოეთში კიევის მიერ მიღეწეული პირველი გამარჯვებებიდან ერთი წელი გავიდა.

"გასული წლის 21 მარტს დასრულდა კიევის რეგიონის პატარა სოფელ მოშჩუნისთვის ბრძოლა და ეს იყო პირველი მნიშვნელოვანი ნაბიჯი ამ ომში გამარჯვებისკენ. სხვა ასეთი ნაბიჯებიც იყო... გოსტომელის ბრძოლა, ირპინის ბრძოლა, ბრძოლა ჩერნიჰივისა და სუმის რაიონებში, ზმიინის ბრძოლა, მწვავე დაპირისპირება უკრაინის სამხრეთში და ჩვენი უნიკალური თავდაცვის ოპერაცია, რომელმაც თავისუფლება დაუბრუნა ხარკოვის რეგიონს.

სხვა აქტიური მოქმედებების შემთხვევაშიც იგივე შედეგს მივაღწევთ - დონბასისთვის გმირულ ბრძოლაში, რომელშიც აუცილებლად დომინირებს უკრაინის დროშა; სამხრეთის შემდგომ დაპირისპირებაში, რომელიც აღადგენს ნორმალურ უკრაინულ ცხოვრებას აზოვის რეგიონში; ჩვენი ყირიმის დაბრუნებაში, საიდანაც უკვე დაიწყო ტერორისტული სახელმწიფოს ყველაზე შორსმჭვრეტელი ვირთხების მიგრაცია.

დიდება ყველას და ყველას, ვინც ახლა საბრძოლო მოქმედებებშია! დიდება თითოეულს, ვინც უკრაინისთვის იბრძვის ბახმუტთან, ავდეევკასთან, ვუგლედართან და ფრონტის ხაზის ყველა სხვა ცხელ წერტილთან! დიდება გმირებს!" - განაცხადა უკრაინის პრეზიდენტმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია