„უკრაინის კრიზისის სამხედრო გზით მოგვარება შეუძლებელია, ამიტომ ყველა ძალისხმევა პოლიტიკურ მოლაპარაკებებზეა მიმართული“,- ამის შესახებ ევროკომისარმა საგარეო საქმეთა საკითხებში, ფედერიკა მოგერინიმ განაცხადა.

მისი თქმით, ევროკავშირი მხარს უჭერს მოლაპარაკებების პროცესს, რომელიც დაწყებულია რუსეთთან.

„ევროკავშირი მხარს უჭერს ახალი მოლაპარაკებების პროცესს, რომელიც დაწყებულია რუსეთთან და უახლოეს საათში  გაგრძელდება. უნდა აღვნიშნოთ რომ ევროკავშირი ერთიანი რჩება რუსეთზე  ეკონომიკური ზეწოლის საკითხში, ჩვენ ასევე ერთიანები ვართ დიპლომატიური ძალისხმევაში და მცდელობაში იმისთვის, რომ კრიზისის პოლიტიკურ გადაწყვეტილებამდე მივიდეთ.  ევროკავშირშიც და  ნატო-შიც ყველამ კარგად ვიცით, რომ უკრაინის კრიზისის სამხედრო გზით მოგვარება შეუძლებელია, ამიტომ ყველა ძალისხმევა ახლა მიმართულია პოლიტიკურ მოლაპარაკებებზე და ჩვენ გვჭირდება, რომ ამან იმუშაოს“,-განაცხადა ფედერიკა მოგერინიმ.

შეგახსენებთ, რომ გუშინ  გერმანიის კანცლერი ანგელა მერკელი და საფრანგეთის პრეზიდენტი  ფრანსუა ოლანდი რუსეთის პრეზიდენტ ვლადიმერ პუტინს შეხვდნენ.

შეხვედრაზე მხარეები, 5 საათის განმავლობაში უკრაინაში არსებულ ვითარეაბას განიხილავდნენ, თუმცა გერმანიის და საფრანგეთის ლიდერებმა მოსკოვი კომენტარის გარეშე დატოვეს.

ასევე, დღეს მერკელი, ორლანდი, პუტინისა და პოროშენკოს შორის სატეეფონო მილაპარაკებაა დაგეგმილი.

მოლაპარაკებაზე მხარეები მინსკის შეთანხმების შესრულების გზებზე უნდა შეჯერდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას