სამწუხაროდ ჩვენ დაგვიდგა რეალობა, როდესაც ჩატეხილი ხიდების აღდგენა გვჭირდება,- ამის შესახებ "ნაციონალური მოძრაობის" ყოფილმა თავმჯდომარე, ნიკა მელიამ მთავრობის ადმინისტრაციასთან, საქართველოს მესამე პრეზიდენტ მიხეილ სააკაშვილის მხარდამჭერ აქციაზე განაცხადა.

მელიას თქმით, უნდა გადაიდგას რაციონალური, პრაგმატული და შედეგზე ორიენტირებული ნაბიჯები, რასაც შედეგად უნდა მოქონდეს მიხეილ სააკაშვილის უკანონო პატიმრობის ვადის შემცირება.

"მიზანი, რომელიც გულისმობს მიხეილ სააკაშვილის გათავისუფლებას და ევროპულ მომავალს - არის ის მიზანი, რის გარშემოც ყველანი ვართ გაერთიანებულნი.

მე ვფიქრობ, მაშინ, როდესაც საერთაშორისო პოლიტიკური საზოგადოება არის კონსოლიდირებული განსაკუთრებით, ევროპული პოლიტიკური საზოგადოება მიხეილ სააკაშვილისა და ქვეყნის ევროპული მომავლის საკითხთან დაკავშირებით, ამ დროს, ჩვენ ახლა კიდევ უფრო გვართებს ძალების მოკრება და კონსოლიდაცია ქვეყნის შიგნით, სხვადასხვა ჯგუფებს შორის.

სამწუხაროდ ჩვენ დაგვიდგა რეალობა, როდესაც ჩატეხილი ხიდების აღდგენა გვჭირდება, მათ შორის პარტიის შიგნით და იდეური ერთობა სხვადასხვა პროცესების გამო, სხვადასხვა მიმართულებით იქნა მორღვეული, რამაც დაღი დაასვა, მათ შორის აქტიურ სოლიდარობას მიხეილ სააკაშვილის საკითხთან დაკავშირებით, რაც სამწუხაროა.

მე ყოველთვის მომხრე ვიყავი, რომ მეკეთებინა პატიოსანი, მორალური, რაციონალური და პრაგმატული პოლიტიკა და გავაგრძელებ კიდევაც. ჩვენ არასდროს არ უნდა ვაკადროთ ჩვენი პარტიის ამომრჩეველს და მითუმეტეს პატიმარს ტყუილი.

მე მიმაჩნია, რომ უნდა გადაიდგას რაციონალური, პრაგმატული და შედეგზე ორიენტირებული ნაბიჯები, რასაც შედეგად უნდა მოქონდეს მიხეილ სააკაშვილის უკანონო პატიმრობის ვადის შემცირება და არა პირიქით - ვადის გახანგრძლივება.

დრო არ ითმენს, მიხეილ სააკაშვილი საფრთხეშია. შიშველი ემოციებით არ უნდა ვკვებავდეთ ამომრჩეველს,",- განაცხადა მელიამ.   

ავტორი: ექსპრესნიუსი,

სოციალური ქსელები

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს

უკრაინის პარლამენტმა ქვეყნის მთავრობა დაითხოვა

გეგელია - იმ ფონზე, როცა უკრაინა და მოლდოვა წინ მიდიან, საქართველო არის სრულ ჩიხში და იზოლაციაში

ჩინეთმა რუსეთთან ახალი გაზსადენი „სიბირის ძალა 2“-ის შესახებ მოლაპარაკებები შეაჩერა