2023-02-18 11:35:05, 795 ნახვა

---

წულუკიანი - ოჩიგავას საქმეზე სტრასბურგის სასამართლოს გადაწყვეტილება კიდევ ერთხელ ადასტურებს, რომ ციხეებში სისტემური დანაშაულები ხდებოდა

ეს განაჩენი კიდევ ერთხელ ადასტურებს, რომ იმ პერიოდში, როდესაც მერაბიშვილი, ადეიშვილი, სააკაშვილი, ახალაიები მართავდნენ ქვეყანას და ძალოვან სისტემას,​ ​ჩვენს ციხეებში ხდებოდა სისტემური დანაშაულები, - ამის შესახებ კულტურის მინისტრმა, თეა წულუკიანმა განაცხადა.

მისივე თქმით, სტრასბურგის ეს გადაწყვეტილება საჭირო იყო სააკაშვილის რეჟიმის დასახასიათებლად, რომ როგორმე ევროპამ და დასავლეთმა, უკეთ გაიგოს თუ ვისთან ჰქონდა ქართველ ხალხს საქმე.

„ეს განაჩენი კიდევ ერთხელ ადასტურებს, რომ იმ პერიოდში, როდესაც მერაბიშვილი, ადეიშვილი, სააკაშვილი, ახალაიები მართავდნენ ქვეყანას და ძალოვან სისტემას,​ ​ჩვენს ციხეებში ხდებოდა სისტემური დანაშაულები. აქ წამების ცალკეულ ფაქტებზე კი არ იყო საუბარი, არამედ ეს იყო არაერთი პატიმრის ყოველდღიური წამება, ანუ დანაშაული, რომელიც ახასიათებდა საკუთრივ სისტემას“, - განაცხადა წულუკიანმა.

შეგახსენებთ, იუსტიციის სამინისტროს განმარტებით, 2023 წლის 16 თებერვალს ადამიანის უფლებათა ევროპულმა სასამართლომ გამოაქვეყნა გადაწყვეტილება საქმეზე „ოჩიგავა საქართველოს წინააღმდეგ“, რითაც კიდევ ერთხელ დადასტურდა, რომ 2012 წლამდე საქართველოს პენიტენციურ დაწესებულებებში პატიმართა წამება და არასათანადო მოპყრობა სისტემისთვის დამახასიათებელი იყო.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი