ევროკომისიამ რუსეთის წინააღმდეგ სანქციების მეათე პაკეტი ოფიციალურად წარადგინა. როგორც ევროკომისიის პრეზიდენტმა, ურსულა ფონ დერ ლაიენმა განაცხადა, პაკეტი ირანული ორგანიზაციების წინააღმდეგ სანქციებსაც მოიცავს.

ლაიენის თქმით, ახალი შემაკავებელი ზომები 11 მილიარდ ევროზე მეტი ღირებულების კრიტიკული ტექნოლოგიებისა და სამრეწველო საქონლის რუსეთში ექსპორტის აკრძალვას ითვალისწინებს.

”დღეს ჩვენ ვაძლიერებთ ზეწოლას სანქციების მეათე პაკეტით”, - თქვა ფონ დერ ლაიენმა.

ევროკომისიის პრეზიდენტის განცხადებით, რუსეთის ეკონომიკაზე მაქსიმალური გავლენის მისაღწევად, შემოთავაზებულია, რუსეთისთვის საჭირო მრავალი სახის სამრეწველო საქონელზე შეზღუდვები მიზანმიმართულად დაწესდეს და მათი მესამე ქვეყნების მეშვეობით მოპოვება შეუძლებელი გახდეს.

გარდა ამისა, ახალი პაკეტით, შემოთავაზებულია დაწესდეს შეზღუდვები, მათ შორის, სამშენებლო სფეროში საქონელზე, რომელიც შეიძლება რუს სამხედროებს გადაეცეს.

რაც შეეხება ირანს, ლაიენი ამბობს, რომ სანქციების დაწესება ირანის მიერ რუსეთისთვის უპილოტო საფრენი აპარატების მიწოდებამ გამოიწვია.

"ირანის რევოლუციური გვარდია აწვდის რუსეთს თვითმფრინავებს უკრაინის სამოქალაქო ინფრასტრუქტურაზე თავდასხმისთვის. ამის გამო, ჩვენ ვამატებთ შვიდ ირანულ ორგანიზაციას ჩვენს (სანქციების) რეჟიმს, რომლებიც დაკავშირებულია ორმაგი დანიშნულების საქონელთან", - განაცხადა ლაიენმა.

ავტორი: ექსპრესნიუსი,

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს