რუსული ჯარების უკან დახევა ხერსონიდან დნეპრის მარცხენა სანაპიროზე უკრაინის შეიარაღებული ძალების წარმატებული ოპერაციების შედეგი იყო და არა დამპყრობლების მახე. ამის შესახებ ინფორმაციას ომის შესწავლის ინსტიტუტი (ISW) ავრცელებს.

ანალიტიკოსების აზრით, აგვისტოდან მოყოლებული ხერსონის მიმართულებით უკრაინის კონტრშეტევა - კოორდინირებული ჩაჭრის კამპანიაა, რომელიც მიზნად ისახავდა რუსული ჯარების უკან დახევას დნეპრის გასწვრივ უკრაინის მხრიდან ძირითადი სახმელეთო შეტევების საჭიროების გარეშე, რაც სავარაუდოდ, წარმატებული იყო

მათივე თქმით, უკრაინის ჯარები გამუდმებით უტევდნენ ხიდებს მდინარე დნეპრის გასწვრივ, მიწოდების პუნქტებსა და საბრძოლო მასალის საცავებს დნეპრის ნაპირებზე, რამაც შეამცირა რუსული ჯარების შესაძლებლობა გადაეყვანათ ჯგუფი მარჯვენა სანაპიროზე.

ISW აღნიშნავს, რომ რუსულმა მედიამ რუსული ჯარების გაყვანის ბრძანება აღწერა, როგორც მიზანმიმართული დარტყმების ბუნებრივი შედეგი, რაც რუსულ ჯგუფს დასავლეთ სანაპიროზე მთავარი მომარაგების არტერიების ფასად დაუჯდა, რამაც თანდათან შეამცირა მისი საერთო ძალა და შესაძლებლობები.

”რუსული ჯარების გაყვანა დნეპრის მარჯვენა სანაპიროდან ნაკლებად სავარაუდოა, რომ იყოს ხაფანგი, რომელიც შექმნილია უკრაინული ჯარების მოსატყუებლად ძვირადღირებულ ბრძოლაში ხერსონის მახლობლად, როგორც ამას ზოგიერთი უკრაინული და დასავლური წყარო ვარაუდობს.

რუსეთის სარდლობა, რა თქმა უნდა, შეეცდება შეანელოს უკრაინელი ჯარების წინსვლა, რათა უზრუნველყოს ჯარების მოწესრიგებულად, შესაძლოა, მათ დატოვონ გარკვეული ძალები, რათა შეაფერხონ უკრაინელების წინსვლა ხერსონში",- აცხადებენ ექსპერტები.

როგორც უკრაინის პრეზიდენტის აპარატის უფროსის მრჩეველმა, მიხაილო პოდოლიაკმა განაცხადა, რუსული დაჯგუფებების მნიშვნელოვანი ნაწილი ხერსონში რჩება და ნაადრევია იმის თქმა, რომ დამპყრობლებმა ქალაქი დატოვეს.

ამასთან, უკრაინის პრეზიდენტმა, ვოლიმირ ზელენსკიმ აღნიშნა, რომ ხერსონის ოლქის მარჯვენა სანაპიროდან სავარაუდო უკან დახევის შესახებ განცხადება არ არის „კეთილგანწყობის ჟესტი“ ან „საჩუქარი“ რუსეთისგან.

ავტორი: ექსპრესნიუსი,

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა